NAS
PGIDI08TIC045EMilddleware para sistemas de almacenamento en rede (NAS) en dispositivos de
elctrónica de consumo con intelixencia na rede.
Na actualidade existen múltiples dispositivos comerciais domésticos NAS (Linksys
NAS200, PlanetNAS, LaCIE Ethernet Disk, Iomega Storcenter Network); a maioría
implementan simplemente un servidor de arquivos SMB e un interfaz de
administración web. Algúns destes dispositivos comezan a ofrecer ademais
conectividade DLNA (Digital Living Network Alliance) para se comunicaren con
reproductores multimedia en rede, intercambiar listas de contidos, e servir
medios; por exemplo o QNAP NAS, ou o Buffalo TeraStation son compatibles
DLNA. Desta forma, o usuario dun reproductor multimedia conectado á TV pode
localizar contidos audiovisuais nos seus almacenamentos domésticos e
reproducilos de forma transparente a súa ubicación, cómodamente e sen
coñecementos técnicos. Na liña de capacidades de almacenamento puro, sí é
habitual que os NAS, excepto os de gama máis baixa, ofrezan capacidade RAID-0
(concatenación) en RAID-1 (espello). Normalmente limítanse a utilizar as
capacidades do hardware que inclúen.
Lamentablemente, o middleware destes sistemas amosa normalmente carencias
importantes en estabilidade, compatibilidade cos estándares (especialmente no
eido de multimedia), e extensibilidade.
A práctica totalidade dos sistemas NAS de consumo baséanse nun procesador
embebido, moitas veces con facilidades adicionais específicas: cálculo de
paridade asistido por hardware (para implementar RAID), interfaces SATA
integrados, e ás veces criptografía; os máis habituais son Marvell ou Broadcom,
con procesadores embebidos ARM, MIPS ou PowerPC.
Habitualmente estes sistemas non utilizan un hardware desenvolvido desde cero,
senón que están baseados nunha plataforma hardware de referencia ofrecida polo
proveedor do procesador anterior.
Normalmente, estes sistemas desenvólvense sobre sistema operativo Linux, que se
adapta moi ben a este uso polas súas modestas necesidades de memoria, e extenso
soporte hardware; unha minoría utilizan unha versión embebida de Windows, para
facilitar o soporte do sistema de arquivos NTFS e do protocolo CIFS,
propietarios e ampliamente utilizados.
Nos sistemas NAS máis avanzados, normalmente o software é desenvolvido por un
terceiro e licenciado polo fabricante do equipo. O máis habitual é Mediabolic
(agora parte de Macrovision), que ofrece UPNP AV 1.0 e certificación DLNA.
Ainda que non é todavía habitual, algúns NAS ofrecen software de backup
integrado. Normalmente limítase a algunha versión dun software de copia de
seguridade convencional para un operativo concreto.
O soporte criptográfico, polo de agora, é limitado. Existen algunhas unidades
capaces de encriptar os datos nas unidades de disco, pero moi poucas; na
práctica a súa aplicación é dificultar máis que imposibilitar o acceso ós datos
por terceiros.
É importante aclarar que os equipos NAS aos que nos referimos son sempre
equipamento de consumo; estes dispositivos e o mercado ao que se dirixen son
completamente diferentes dos sistemas NAS de gama alta, habitualmente "cabezas"
conectables a sistemas SAN (Storage Area Network), de altas prestacións e un
custo por unidade de almacenamento varias ordes de magnitude superior.
O presente proxecto pretende desenvolver un prototipo de solución software para
implementar sistemas de almacenamiento en rede (denominados comunmente NAS -
network-attached storage) e ademáis sentar as bases para a interoperabilidade
deste sistema con intelixencia na rede, e decir, interconectar o dispositivo na
rede do fogar cos servicios dos operadores en Internet/Intranet.
Este tipo de dispositivos domésticos son cada vez máis habituais, e tenden a
convertirse nun centro permanentemente conectado de almacenamiento multimedia no
fogar; preténdese prototipar un middleware que soporte tanto a funcionalidade
básica do NAS (servicio de almacenamento sobre protocolos estándar: CIFS, NFS)
como a conectividade multimedia (DLNA, UPNP) con outros dispositivos domésticos;
e extender a conectividade cara ó operador de servicios de telecomunicacións
(arquivo ou copia de respaldo dos contidos no operador).
